Italia ia kalon Kinës për numrin e të vdekurve nga koronavirusi.
Sipas të dhënave zyrtare, sot numri i viktimave ka arritur në 3 405.
Në krahasim me një ditë më parë, janë shtuar 427 viktima.
Megjithatë, edhe numri i të shëruarve lë vend për optimizëm.
Janë plot 4 440 pacientë që kanë rezultuar negativë pasi janë përballur me këtë sëmundje, 415 më shumë se një ditë më parë.
Por epidemia vijon të përhapet shpejt. Edhe numri i të infektuarve është rritur.
Në krahasim me të mërkurën janë 4 480 të infektuar më shumë, çka e çon në total në 33 190 numrin e pacientëve me koronavirus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
