Gazetari Xhevair Zhabina tha në studion e MCN Live se janë hedhur shumë para për vrasjen e 38-vjeçarit Fatjon Dervishi në Sukth pasi këtë gjë e tregon dinamika e ngjarjes, vrasja e objektivit dhe jo e personit që e shoqëronte viktimën.
Zhabina tha se organizmin e vrasjes janë përfshirë një numër i madh personash që kanë marrë pjesë në ndjekje të viktimës, organizmin e pritës dhe vrasjes nga autorët me pagesë.
Në këtë rast janë hedhur shumë para, duket që janë vrasës me pagesë pasi dëme me njerëz të tjerë nuk ka, duke qenë se ka qenë bashkë me një shok të makinën e tij. Objektivi ka qenë i qartë, është vrarë 38-vjeçari dhe autorët e ngjarjes janë larguar.
Grupi hetimor në këtë pistë është fokusuar pasi ngjarja që lidh vëllain e tij me plagosjen e të dashurës dhe më pas arrestimi konsiderohet ngjarje banale që nuk mund të çojë në organizmin e një atentati të tillë, pasi për të organizuar një atentat të tillë duhen disa persona që kanë ndjekur viktimën, më pas të kryhet prita dhe më pas të vritet objektivi pa asnjë gabimi, me dy plumba i është marrë jeta. Pas kësaj historie fshihet një gjë akoma më e madhe.
Është ndjekur gjithë kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
