Ramadan Likaj, deputet i PD-së, thotë se zgjedhja e Gazmend Bardhit në detyrën e kreut të grupit parlamentar do t’i bashkojë demokratët. Në studion e lajmeve në MCN TV, Likaj se demokratët e Malësisë së Madhe ishin të gjithë bashkë në këto zgjedhje.
Kam bërë gjithë çfarë munda që PD të ribashkohet. Nuk mund të them se u arrit 100%, por në këtë rrugëtim ishim të bashkuar. Mendoj se ka ndikuar ndarja. Nëse kandidati Ii primareve do të ishte regjistruar nën siglën e PD, sot gjërat do të ishin ndryshe.
Besoj që rizgjedhja e Gazmend Bardhit është një risi edhe për pjesën e Rithemelimit. Do të ketë ura bashkëpunimi dhe për pak kohë PD do të jetë e bashkuar.
Mendoj që një pjesë e konsiderueshme e deputetëve të PD kanë firmosur për ardhjen e Gazmend Bardhit. Është krijuar dhe po përmbushet ky mision. Kam bindjen se Gaz Bardhi do të jetë bashkues i grupit parlamentar. Nuk mbështesim rikthimin e Bashës. Ka bindjen se do të ketë reflektim edhe nga Berisha.
Likaj tha se opozita i ka denoncuartë gjitha parregullsitë para zgjedhjeve dhe do të vijojë të denoncojë deformimin e vullnetit të votuesve.
Kam qenë që ditën e parë në fushatën e parë të PD në Malësinë e Madhe. Jam i mirëinformuar për çdo gjë që ndodhi para gjatë dhe pas procesit. Ka qenë një proces i deformuar. Nuk iu dha e drejta qytetarëve të hedhin votën e tyre sipas dëshirës. Pati presion mbi qytetarët dhe administratën. Opozita nga dita në ditë i ka bërë të qarta problemet kudo që janë evidentuar gjatë fushatës. Besoj që janë të mirëinformuar të gjithë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
