Garda Revolucionare e Iranit tha se ka gjetur rrënojat e avionit të pasagjerëve, i cili është rrëzuar të dielën.
Televizioni shtetëror transmetoi pamje, të marra nga një helikopter, të cilat tregonin rrënojat në malet me borë.
Avioni i kompanisë Aseman Airlines është rrëzuar në malet Zagros në perëndim të Iranit dhe të 66 njerëzit në bord besohet se kanë vdekur.
Ekipet e kërkimit do të vazhdojnë të ecin në këmbë deri te vendi i ngjarjes, pasi helikopteri nuk ka qenë në gjendje të aterojë në mal, tha një zëdhënës i Gardës Revolucionare të Iranit.
Kreu i shërbimeve emergjente të këtij vendi tha se lëvizja e trupave të atyre që kanë vdekur do të jetë e vështirë në kushtet e këqija të motit.
Avioni i rrëzuar ka qenë 25 vjet i vjetër, tha organizata e aviacionit civil të Iranit.
Komandanti i përgjithshëm i ushtrisë tha se pajisjet e ushtrisë mund të përdoreshin për këtë rastë duke i ardhur në ndihmë për kërkimin e mbetjeve të avionit.
Gjithashtu edhe stafi i Gjysmëhënës së Kuqe po shpërndahet në rajon për kërkimet e avionit.
Garda Revolucionare, një pjesë e fuqishme e forcave të armatosura, thanë se rrënimi ishte zbuluar nëpërmjet imazheve të helikopterëve para se të vendoseshin helikopterët e forcave ajrore.
Një pilot i tha televizionit shtetëror se ai kishte parë "trupa të shpërndara rreth avionit" dhe se ajo ishte vendosur në lartësi rreth 4.000 metra.
Erërat e forta, mjegulla dhe dëbora bënë që kërkimi të ndërpritej të dielën dhe të hënën.
Por moti i së martës ishte më i mirë, duke lejuar pilotët e helikopterëve të shihnin më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
