Forcat izraelite qëlluan dhe vranë dy palestinezë, një prej tyre një djalë 14-vjeçar dhe ka plagosur 415 të tjerë pas një sulmi me armë dhe gaz lotsjellës gjatë protestave përgjatë kufirit me Gazën të premten, thanë zyrtarët e shëndetësisë në Gaza.
Zyrtarët në Gaza thanë se Yasser Abu Al-Naja dhe Mohammad Al-Hamayda, 24 vjeç u goditën nga plumbat e forcave izraelite dhe 4 persona të tjerë janë plagosur dhe janë në gjendje kritike.
Ushtria izraelite tha në një deklaratë se trupat kishin përdorur "sasi të mëdha të mjeteve të shpërndarjes së trazirave". Në disa raste, kur mjetet jo vdekjeprurëse rezultuan të paefektshme, përdoret zjarri "në përputhje me procedurat dhe standardet operimit".
Mijëra palestinezë kishin "marrë pjesë në protestat e dhunshme", duke hedhur një granatë dhe shkëmbinj mbi trupat, gardhin kufitar dhe gomat e djegura thonë autoritetet izraelite.
Zyrtarët e Gazës thonë se trupat izraelite kanë vrarë të paktën 135 vetë qëkur protestat javore filluan më 30 mars.
Palestinezët thonë se protestat janë një shpërthim i zemërimit popullor kundër Izraelit nga refugjatët që kërkojnë të drejtën për t'u kthyer në shtëpitë e familjeve të tyre u larguan ose u dëbuan nga themelimi i Izraelit 70 vjet më parë.
Izraeli thotë se demonstratat organizohen nga grupi islamik Hamas që kontrollon Rripin e Gazës dhe mohon të drejtën e Izraelit për të ekzistuar. Izraeli thotë se Hamasi ka provokuar qëllimisht dhunën, një akuzë që Hamasi e mohon.
Dhjetëra mijëra persona morën pjesë kur protestat u nisën në disa vende përgjatë kufirit me Gazën, por numri ka rënë ndjeshëm në javët e fundit dhe vetëm disa mijëra kanë marrë pjesë më shumë kohët e fundit.
Taktikat vdekjeprurëse të Izraelit kanë tërhequr dënime ndërkombëtare. Por mbështetja ka ardhur nga aleati kryesor i saj, Shtetet e Bashkuara, të cilat si Izraeli kanë fajësuar Hamasin.
Izraeli e ka akuzuar Hamasin se ka nxitur dhunën në një përpjekje për të shmangur opinionin e brendshëm nga mungesat e energjisë të Gazës dhe pengesa në ekonomi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
