Që nga koha kur Shqipëria doli nga errësira totalitare dhe nisi rrugën për t’iu bashkuar familjes evropiane, së bashku me lirinë e sapofituar, dhjetori ka qenë i shenjuar me festën e Krishtlindjeve dhe protestat thuajse të përvitshme.
Këtë vit kemi pasur madje tubime opozitare brenda vetë opozitës. Opozita nga e bashkuar që ka qenë një vit më parë, tashmë është e ndarë, ndërsa vendet ballkanike në konflikt të hapur me njëri- tjetrin deri dje, sot janë bashkuar në Tiranë.
Në një situatë COVIDI mes viruseve Delta dhe Omicron, me një opozitë me dy opozita, për më tepër, këto Krishtlindje e gjejnë Tiranën me dy peshkopë katolikë: njëri në ikje e tjetri në pritje të fillimit të detyrës së tij zyrtare.
Në një atmosferë të tillë shumë vizitorë të huaj popullojnë rrugët e Tiranës. E mbi të gjitha, Tirana është shndërruar jo vetëm në qendrën e zhvillimeve lokale por edhe në atraksion turistik për shumë evropianë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
