Ministrja e Drejtësisë, Etilda Gjonaj, thotë se vendimi i Gjykatës së Krujës për të liruar Endrit Doklen është dëshmi e nevojës së thellë për pastrimin e sistemit të drejtësisë. Në një deklaratë sot në mesditë, Gjonaj tha se vendimi për ish-kreun e bandës së Durrësit është dhënë në shkelje flagrante të ligjit. Gjonaj tha se lidhur me këtë vendim është kërkuar shkarkimi i gjyqtares.
“Kemi kërkuar hetim disiplinor për gjyqtaren Enkelejda Hoxha në ish-KLD. Është kryer hetim administrativ për vendimin e gjyqtares. Veprime të tilla me pasoja të rënda kanë krijuar zemërim te qytetarët. I jam drejtuar KLGJ-së për pezullimin dhe shkarkimin e gjyqtares. I kam kërkuar prokurorisë ndjekje penale për të”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
