LAJM I FUNDIT/ Nis lëvizja “Basha ik”, 19 emra firmosin kërkesën për lagimin e kreut të PD-së, mes tyre edhe dhëndri i Berishës

Pas humbjes në zgjedhjet e 25 qershorit, vjen reagimi i parë brenda PD-së. 19 emra, anetare te Kryesise se PD jane vene ne levizje dhe tani qe numerimi i votave u mbyll ne te gjithe Shqiperine, ku PD ka pesuar nje humbje me rezultat katastrofik, kerkojne doreheqjen e Lulzim Bashes duke e pare si te vetmin shkaktar per kete rezultat te Partise Demokratike. Emrat qe bien ne sy qe kane firmosur kerkesen e largimit te Bashes nga drejtimi  i partise, jane ai i dhendrit te ish-kryeministrit Sali Berisha, Jamarber Malltezi si dhe Julian Deda, qe sot paradite me ane te nje reagimi ne FB, uroi Ramen per fitoren, teksa perpara zgjedhjeve deklaratat e tij kunder pushtetit ishin shume te ashpra.

DEKLARATA E PLOTË:

Tani që përfundoi numërimi i çdo kutie të këtij procesi zgjedhor të vështirë dhe të ndotur nga paratë e pista të drogës dhe kërcënimeve të papranueshme për një shoqëri të lirë, dëshirojmë që në radhë të parë të falenderojmë komisionerët dhe numëruesit e PD që kanë qenë heronj, dinjitozë dhe qëndrestarë në këto momente të vështira për PD dhe procesin zgjedhor. Humbja e thellë e PD në këto zgjedhje na detyron marrjen përsipër të përgjegjësive.

Lulzim Basha kryetari i PD është përgjegjësi kryesor i kësaj humbjeje. Për më tepër Kryetari i Partisë ka marrë përsipër personalisht, në shkelje të normave statutore hartimin e listës së deputetëve dhe programin e fushatës, duke hequr përdhunshëm simbolet e PD dhe mbjellë përçarje të pamerituar me etiketimet “ky është i republikës së vjetër deri tek 22 vjeçaret e FRPD”. Basha bëri një fushatë për Listën Basha duke mos reflektuar asnjë nga shqetësimet dhe kauzat kryesore të opozitës si kriminalizimi i parlamentit dhe administratës, droga, koncesionet etj dhe në përputhje të plotë me fushatën e PS. Prandaj, Kryetari i PD Lulzim Basha si përgjegjësi i kësaj humbjeje duhet të japë dorëheqjen për t’i hapur rrugë rinovimit të PD dhe bashkimit sa më të gjerë të saj!

1. Arben Skënderi Anëtar i Kryesisë, Drejtues Departamenti

2. Avenir Peka, Anëtar i Kryesisë, Drejtues Departamenti

3. Edith Harxhi Anëtar i KK

4. Edvin Kulluri Anëtar i KK

5. Endira Bushati Anëtar i Kryesisë, Drejtues Departamenti

6. Fabian Topollaj, Anëtar i KK

7. Gent Malko, Anëtar i Kryesisë, Drejtues Departamenti

8. Grigels Muçollari Anëtar i KK

9. Gent Minarolli Anëtar i KK

10. Gjergj Lezhja Anëtar i KK

11. Jamarbër Malltezi, Anëtar i Kryesisë, Drejtues Departamenti

12. Julian Deda Anëtar i KK, koordinator

13. Juela Meçani Anëtar i KK

14. Leonard Olli Anëtar i KK

15. Ledina Aliolli Anëtar i KK

16. Mirgen Lata KK

17. Valbona Mezini, Anëtar i Kryesisë, Sekretare

18. Suzana Guxholli, Anëtar i Kryesisë, Drejtues Departamenti

19. Tomorr Alizoti, Anëtar i Kryesisë, Drejtues Departamenti