Shtetet e Bashkuara do të dërgojnë në Kosovë mbi gjysmë milioni doza vaksine Pfizer, ndërsa vendi po përballet me rritje të rasteve të reja.
Siç raporton Evropa e Lirë, e cila i referohet Shtëpisë së Bardhë, 503 100 doza do t’i dorëzohen Kosovës duke filluar nga 3 shtatori. Donacion do të mbërrijë në fundjavë përmes programit COVAX.
“Shtetet e Bashkuara janë të përkushtuar që të sjellin të njëjtën urgjencë në përpjekjet ndërkombëtare për vaksinim siç ne e kemi demonstruar në SHBA dhe ne po punojmë që të sjellim sa më shpejt që të jetë e mundur në Kosovë vaksina të sigurta dhe efektive”, tha Shtëpia e Bardhë.
Kjo dërgesë u parapri nga një tjetër me 35 000 doza Pfizer nga SHBA në gusht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
