Sherri mes anëtarëve /Arrestohet nënkryetari i bashkisë së Dibrës

Policia ka arrestuar pas sherit që shpërtheu në ambientet e bashkisë së qytetit të Peshkopisë, nënkryetari i Bashkisë, Ernolt Cani. 

Sipas informacioneve të policisë , 34-vjeçari është arrestuar në lidhje me dhunën fizike, ndërsa janë shpallur në kërkim dhe po punohet për kapjen e shtetasit L.(B).B.

Arrestimi i Canit u bë pasi, ky shtetas në bashkëpunim me shtetasin L.(B). B, kanë goditur me sende të forta për shkak të detyrës në zyrën e tij shtetasit:

- D.M,  30 vjeç, me detyrë Drejtor i Burimeve Njerëzore në Bashkinë Dibër. Ky shtetas pasi  ka marrë ndihmën mjekësore në spitalin e  Peshkopisë  ka dalë nga spitali;

- E.D,  33 vjeç, me detyrë inspektor INUV- në Bashkinë Dibër, pasi ka marrë ndihmën mjeksore në spitalin Peshkopi  ka dalë nga spitali;

- H.D, 48 vjeç, me detyrë specialist Auditi, në Bashkinë Dibër, vijon trajtimin mjeksor në spitalin e Peshkopisë;

- L.D, 43 vjeç, me detyrë polic bashkiak në Dibër, ka marrë ndihmën mjeksore në spitalin e Peshkopisë dhe ka dalë nga spitali.

Materialet i kaluan Prokurorisë Dibër dhe po punohet për zbardhjen e plotë të rrethanave të kësaj ngjarjeje.