Mungesa e aksesit në ujë është një nga sfidat më të mëdha në Gaza, sipas organizatës bamirëse ndërkombëtare Action Against Hunger, e cila po paralajmëron për "një krizë shëndetësore në prag të shpërthimit".
Stafi i organizatës bamirëse thotë se strehimoret e mbipopulluara të zhvendosjes janë afër pikës së shpwrthimit tw krizws shwndetwsore.
Ata shtojnë se një strehë në Gaza aktualisht po mbështet më shumë se 24,000 njerëz dhe se 60% e fëmijëve atje janë të prekur nga diarreja. Disa njerëz po përdorin gjithashtu defekimin e hapur.
OKB vlerëson se ka më pak se 3 litra ujë për person çdo ditë për 2.3 milionë njerëz që jetojnë në Gaza, gjysma e të cilëve janë fëmijë që janë më të rrezikuar nga mungesa e ujit dhe infeksionet diarreike, shkaku kryesor i vdekshmërisë së fëmijëve në nivel global.
Dhe kjo sasi ka të ngjarë të ulet nga dita në ditë pasi reduktohen furnizimet dhe karburantet e përdorura për ta bërë ujin të pijshëm në impiantet e shkripëzimit.
Chiara Saccardi, oficere për Lindjen e Mesme në Aksionin kundër urisë, tha: “Përballë kësaj situate të pamundur, shumë familje të Gazës po i drejtohen burimeve të ujit jo të pijshëm, siç janë puset bujqësore. Kjo i vë ata në rrezik të menjëhershëm për dehidrim dhe madje edhe një shpërthim të sëmundjeve infektive si kolera. Një epidemi e tillë, nëse ndodh, do ta bënte këtë krizë të rëndë një problem edhe më të madh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
