Kreu i Bashkisë Mirditë Albert Mëlyshi foli në edicionin e lajmeve në MCN TV mbi takimin e zhvilluar sot me kryeministrin Rama, ku ishin të pranishëm drejtuesit e bashkive në vend.
Mëlyshi thekson se pushteti vendor e ka të pamundur të përballojë i vetëm situata të caktuara me zjarret, apo përmbytjet.
Mëlyshi bëri me dije se janë 100 familje në qiell të hapur, pasi nuk kanë përfituar ende nga fondi i qeverisë për banesat e prekura nga tërmeti.
“Është një ftesë e stafit të kryeministrit para tre ditësh. Aty kishim 3 çështje thelbësore për të cilat biseduam. U ndalëm te emergjencat civile, ku përfshihen situata me zjarret, përmbytjet. Bashkitë kanë një strukturë të posaçme për emergjencat civile, në numër nuk mund të them që është i madh. Na duhet të kemi vazhdimisht kontakte me pushtetin vendor dhe Emergjencat Civile. Është e pamundur që pushteti vendor të përballojë i vetëm disa situata. Psh. zjarret që kaluam në verë, është e pamundur me atë organike, burime njerëzore, mjete, të neutralizojë një situatë. Duhet me domosdoshmëri ndërhyrja dhe ndihma e pushtetit vendor, me emergjencat ndërkombëtare, ushtri, etj. Çështja e projekteve lidhet me nevojat e komuniteteve. Në bazë të atyre programeve, thirrjeve në qeveri, bashkitë bëjnë edhe aplikimin në projekte. Ne gjatë këtij viti kemi aplikuar në të gjitha thirrjet e qeverisë. Përgjigje kemi zero konkretisht. Rama e orienton edhe në bazë të sugjerimeve që i vijnë. Janë 100 familje që s’është investuar për ndërtimin e banesave pas tërmetit. Përplasjet kryesore janë te bashkia, por fondet vijnë nga qeveria. Nga përgjigjja që mora ndoshta kryeministri akoma s’është i informuar që akoma s’janë përfunduar banesat”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
