Peshëngritja i sjell Shqipërisë një tjetër triumf. Pas medaljes së bronztë të Briken Caljes të martën, është peshëngritësi tjetër Daniel Godelli i cili është shpallur kampion i Europës në turneun që po zhvillohet në Split të Kroacisë.
25-vjeçari triumfoi në stilin e shkëputjes në kategorinë 77 kg, ku garonte edhe Erkand Qerimaj.
Godelli në fakt e nisi mbrapsht garën, pasi gaboi në dy provat e para me 156 dhe 158 kg, por ia doli në përpjekjen vendimtare me 161 kg.
Kurse ecuria e Qerimajt qe krejt e ndryshme, pasi shkodrani e kaloi me sukses provën e parë me 155 kg, por dështoi në dy të tjerat me 158 kg.
Peshëngritësit po marrin pjesë në kampionatin Evropian që po zhvillohet në Kroaci.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
