Turi i Ramës në Selanik, Plangarica: Ai është brand name, do ta presin 2500 veta

<p>Kryeministri Edi Rama do të rikthehet në Greqi këtë fundjavë për turin e radhës me diasporën. Ai ka zgjedhur këtë herë Selanikun.</p> <p>Armida Plangarica, kryetare e PS në Selanik, tha se pritet që në takim të mblidhen të paktën 2500 shqiptarë. Lidhur me raportimet e ditëve të fundit në mediat greke, Plangarica tha se ato vijnë si pasojë e profilit të kryeministrit shqiptar. &nbsp;</p> <blockquote> <p><em>Selaniku ka ngërç përsa u përket sallave për evenimente. Ka momente që nuk ka salla as për konferenca të vogla. Ne u jemi drejtuar disa stadiumeve, por janë të mbyllur deri në shkurt me evenimente. Këmbëngulëm për këtë sallë sepse është çështje prestigji dhe kryeministrit Rama i takon. </em></p> <p><em>Edi Rama është brand name dhe menjëherë mediat greke reagojnë. Kjo është e natyrshme. Edi Rama shet brand name sepse është kryeministri që bën ndryshimin. Ne jemi dy popuj që bashkëjetojmë, kështu që ajo që raportohet në media mund të jetë thjesht për klikime. </em></p> </blockquote> <p>E pyetur në lidhje me rolin e trupës diplomatike në fushatën e diasporës, ajo tha se në Selanik nuk ka ka kaluar përtej komunikimit që përcakton ligji.</p> <blockquote> <p><em>Konsullata në Selanik është e fokusuar në rolin e vet diplomatik dhe nuk është përzier me ne. Ajo ka komunikuar vetëm për çështje që kanë lidhje me komunitetin. </em></p> </blockquote> <p>&nbsp;</p> <iframe width="1250" height="703" src="https://www.youtube.com/embed/iVrU6CfnEsI" title="" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>