Ashtu siç dhe ishte paralajmëruar, protesta kombëtare e thirrur nga Sali Berisha para selisë blu është shoqëruar me incidente.
I pari që mbërriti në fakt në PD ishte vetë Lulzim Basha i cili në hyrje përshëndeti i buzëqeshur përfaqësuesit e medias për të vijuar më pas me mbledhjen e Kolegjit të Kryetarëve të lajmëruar në orën 11:00.
Mbështetësit e Berishës nuk pritën për ish-kryetarin e PD dhe u mblodhën para selisë 2 orë para, duke shembur edhe derën kryesore, por duke mos depërtuar më shumë se kati i parë.
Nga ana tjetër ish-kryetari Sali Berisha duke u nisur për në selinë blu i bëri thirrje demokratëve të vetëpërmbahen dhe shmangen dhunës.
Gjithsesi vetëpërmbajtja zgjati shumë pak, pasi disa mbështetës të Sali Berishës u konfrontuan me Roland Bejkon i cili po hynte për në seli. Ai u detyrua të largohet mes sharjeve dhe ofendimeve.
Aktet më të dhunshme ndodhën në katin e dytë të selisë, aty ku disa demokratë tentuan të hynin nga dritaret, por u përballën me gazin lotsjellës. Madje një prej mbështetësve të Berishës u plagos në kokë.
Pas disa orësh protestë, disa deputetë të Partisë Demokratike i kërkuan zyrtarisht Policisë së Shtetit ndihmën e uniformave blu dhe këta të fundit treguan gatishmëri. Kët atë fundit kanë shoqëruar e dhe disa persona
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
