Në një lidhje të drejtpërdrejtë me studion e MCN Economy, analisti Nexhmedin Spahiu ka komentuar arsyet pse shkëmbimi tregtar mes Kosovës dhe Shqipërisë vijon të mbetet i ulët, pavarësisht afërsisë gjeografike dhe lidhjeve kombëtare.
Sipas tij, një nga faktorët kryesorë është mungesa e besimit të ndërsjellë, ku shqiptari shpesh ka më shumë besim tek produktet e huaja sesa tek ato të një shqiptari tjetër, duke e bërë bashkëpunimin ekonomik mes dy vendeve të vështirë dhe të kufizuar.
Shqiptari më shumë ka besim tek i huaji se tek shqiptari.
Do duhej që këmbimi të ishte shumë më i madh. E vërteta është që shqiptari nuk beson në cilësinë e një produkti të një shqiptari tjetër. Kjo nuk ka të bëjë vetëm me marrëdhënien Kosovë-Shqipëri. Janë mekanizmat ligjorë që krijojnë mosbesim. Nëse bën marrëveshje me kompani gjermane, në rast të çdo avarie ke gjykatat gjermane që nuk të falin. Kërko drejtësi tek gjykatat e Kosovës dhe Shqipërisë, dihet si shkon puna. Është kultura e mashtrimit, mosbesimi. Shteti merret me folklorizëm politik sesa me gjëra konkrete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
