Janë zbardhur 6 kërkesat kyçe që Presidenti rus Vladimir Putin parashtroi gjatë samitit në Alaska, ku u takua me homologun amerikan Donald Trump, me qëllim gjetjen e një marrëveshje për t’i dhënë fund luftës në Ukrainë.
Një nga kërkesat kryesore të shefit të Kremlinit është tërheqja e forcave të Kiveit nga rajonet e Donetskut dhe Luhanskut. Ndërkaq, në këmbim Moska zotohet të lëshojë pjesë të rajoneve të Sumit dhe Kharkivit.
Po ashtu Putin ka kërkuar ndalimin e anëtarësimit të Ukrainës në NATO, që me sa duket vijon të jetë vija e kuqe e Moskës në raport me Kievin.
Mbetet për t’u parë se sa i gatshëm do të tregohet Presidenti ukrainas Volodymyr Zelensky për t’u dhënë dritën jeshile kërkesave të Putinit, në një kohë që lideri ukrainas dhe udhëheqës të tjerë të vendeve të BE-së do të takojnë të hënën në Uashington Donald Trump-in.
Kërkesat e Vladimir Putinit
1. Status zyrtar të gjuhës ruse në Ukrainë
2. Tërheqje e forcave ukrainase nga rajonet e Donetskut dhe Luhanskut. Në këmbim, Rusia është e gatshme të lëshojë pjesë të rajoneve të Sumit dhe Kharkivit që kontrollon dhe të ngrijë linjën e frontit në jug të Khersonit dhe Zaporizhias
3. Njohje formale e sovranitetit rus mbi Krimenë, marrë nga Ukraina në vitin 2014.
4. Heqje e pjesshme e sanksioneve.
5. Ndalim i anëtarësimit të Ukrainës në NATO.
6. E drejta e Kishës Ortodokse Ruse për të ushtruar lirisht aktivitetin në Ukrainë
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
