Vendosja e taksës 100% ndaj mallrave serbe ka bërë të lulëzojë kontrabanda e prodhimeve në kufirin mes dy shteteve. Së fundmi është bllokuar një kamion i ngarkuar me vezë, teksa më herët janë sekuestruar dhe ngarkesa me produkte të tjera.
Një kamion me vezë, e cila dyshohet se është kontrabanduar nga Serbia është arritur të kapet nga autoritetet doganore në Kosovë.
Kamioni është pikasur nga gjatë patrullimeve të oficërëve doganorë në autostraden Mitrovicë- Skenderaj, përkatësisht njësitë e dogbanes, të culët kanë parë kamioniun pa targa tek udhëtonte në drejtim të Mitrovicës.
Pavarësisht urdhërit për të ndaluar nga sinjalizimi i policisë, shoferi i kamionit ka refuzuar të ndalet, ndërsa pas ndjekjes së policisë , është bërë edhe ndalimi i tij-ka njoftuar zyra e doganës në Kosovë.
Sipas autoriteve doganore në Kosovë është bërë i mundur ndalimi dhe prangosja e drejtuesit të automjetit dhe një shtetasi tjetër që udhëtonte më të sëbashku me mallrat në kamion, ndërsa drejtuesi nuk dispononte asnjë dokumentacion përkatës.
“Sipas vlerësimeve paraprake në kamion ishin 500 pako me veze, kamioni dhe mallrat janë ndaluar përkohësisht, derisa ndaj të dyshimtëve është inicuar procedura kundërvajtëse”, ka njoftuar Dogana e Republikës së Kosovës.
Ndërkohë një person tjetër po ashtu është ndaluar nga Policia, pasi me automjetin e tij kishte kaluar kufirin ilegalisht nga Serbia në Kosovë, duke iu shmangur detyrimeve doganore.
Të dyshuarit ne automjet iu gjendën kryesisht mall, pajisje elektroteknike në vlerë te konsiderueshme.
Automjeti dhe malli është dërguar në doganë, ndërsa i dyshuari është liruar.
Si duket pas vendosjes së taksës 100% ndaj mallrave serbe, ka bërë të lulëzojë kontrabanda e prodhimeve në kufirin mes dy shteteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
