Tre trupat e pajetë që u gjetën përgjatë këtij fundmuaji në bregdetin e Durrësit janë tërhequr nga familjarët e tyre, pas identifikimit në morgun e Tiranës. Burime pranë Mjekësisë Ligjore thanë për TemA TV se kufoma e fundit që u tërhoq prej andej i përkiste një shtetasi të huaj, një 40-vjeçari që u gjet pa jetë në Bisht-Pallë, më 27 mars të këtij viti. Ai nuk kishte ndonjë shenjë dhune dhe vdekja ka ardhur si pasojë e bllokimit të rrugëve të frymëmarrjes, ndërsa mendohet se ka qenë i përfshirë në trafik droge, ose ishte anëtar i ndonjë ekuipazhi anijeje. Kurse për 15-vjeçaren nga Lushnja, me inicialet M.M, që u gjet pa jetë në lumin Shkumbin, më 25 mars, është konfirmuar se ajo është mbytur në ujë, pasi hyri për t’u freskuar. Po në 25 mars u gjet një tjetër kufomë në plazhin e Gjeneralit, që i përkiste një tjetër të riu. Për të ka të dhëna se mund të ketë qenë i përfshirë në trafik droge, pasi iu gjet edhe një jelek shpëtimi. Më herët në Zvërnec ishte gjetur trupi i pajetë i një tjetër shtetasi, për të cilin policia tha se ishte një prej skafistëve që do të çonin 1 ton kanabis në Itali, me gomone.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
