Barcaleta e Berlusconi-t për Biden-in, Putinin dhe Papën korr sukses audience në TikTok (VIDEO)

Silvio Berlusconi ka hapur së fundmi profilin e tij në TikTok dhe tashmë po shijon sukses të jashtëzakonshëm mes audiencës më të re.

Ish-kryeministri dhe lideri i Forza Italia, ka publikuar një video të shkurtër në rrjetin social duke marrë plot 3 milionë shikime në vetëm pak orë. Në video Berlusconi tregon një barcaletë ku personazh është ai vet, Presidenti i SHBA-ve Joe Biden, ai rus Vladimir Putin, dhe Papa Françesku.

Pas suksesit të arritur me videon e shkurtër, drejtuesi i Forza Italia falënderoi publikun me një tjetër video, e cila u publikua edhe në Instagram. “Më thonë se ky është një rekord. Ju falënderoj për këtë shfaqje të madhe dashurie. Numri i ndjekësve ishte gjithashtu mbresëlënës: pothuajse 200,000 në një ditë të vetme”.

Barceleta e treguar nga Berlusconi

Një avion fluturon mbi Atlantik dhe në aeroplan janë Joe Biden, Vladimir Putin, Silvio Berlusconi, Papa dhe asistentja e tij e re. Në një moment të caktuar pilotët kuptojnë se për shkak të një gabimi tragjik vetëm një nga serbatorët është i mbushur me karburant. Ata shikojnë konsumin dhe kuptojnë se për 5 minuta avioni do të rrëzohet. Piloti thotë: Le t'i nxjerrim parashutat.  

Për fat të keq kishte vetëm 4 parashuta, ndërkohë që në bord ishin gjithsej 5 persona.

Joe Biden kap një parashutë duke: Kjo është për mua, sepse unë jam njeriu më i fuqishëm në Perëndim.

Vladimir Putin merr një tjetër dhe thotë: Kjo është për mua sepse unë jam njeriu më i fuqishëm në Lindje.

Berlusconi shkon përpara dhe thotë: Kjo është për mua, sepse të gjithë e dinë që unë jam politikani më i zgjuar në botë.

Asistentja e re shikon Papën dhe i thotë: Shenjtëria këtu është parashuta juaj. 

Papa i kthehet: Jo faleminderit e dashur, jam plakur, kam jetuar një jetë të gjatë dhe të lumtur. Merreni ju parashutën!

Por asistentja i përgjigjet: Kanë mbetur dy, sepse njeriu më i zgjuar në botë, politikani më inteligjent, u hodh me çantën time të shpinës.