Ndryshimi i Kodit Zgjedhor duket se është molla e sherrit rishtazi mes politikës. E teksa kodi aktual përcakton se votat e diasporës i numëron administrata e KQZ mazhoranca kërkon ndryshime duke propozuar staf politik.
Teksa opozita kërkon që të votojnë shqiptarët me dokumente identifikimi të skaduara, mazhoranca vijon të jetë mosbesuese tek administrata shtetërore e Komisionit Shtetëror të Zgjedhjeve.
Numërimin e votave të emigrantëve apo diasporës që kodi ja njeh të drejtë KQZ, drafti mazhorancës siguruar nga emisioni “FactCheck” kërkon që numëruesit ti caktojnë partitë politike.
Në këtë dokument neni 25/2 thuhet “Numërimi dhe vlerësimi i votave nga jashtë administrohet nga një komision i përbërë prej 4 anëtarësh dhe sekretari, të emëruar nga Komisioneri Shtetëror i Zgjedhjeve. Propozimi për 2 anëtarë bëhet nga partia me e madhe e shumicës parlamentare dhe për 2 anëtarët e tjerë propozimi bëhet nga partia me e madhe e pakicës parlamentare. Sekretari i komisionit emërohet mbi bazë të aplikimeve të lira dhe duhet të jetë me profesion jurist. Anëtarët dhe sekretari duhet të plotësojnë kushtet dhe kriteret e përcaktuara në nenet 30 dhe 31 të këtij Kodi”.
Kodi aktual e ka të parashikuar në neni 25/1 pika katër numërimin e votave të diasporës ku saktëson se këtë proces e bënë administrata e KQZ.
“Fletët e votimit të dërguara nga zgjedhësit jashtë territorit të Republikës së Shqipërisë dhe të administruara numërohen në ambientet e KQZ-së.
Fletët e votimit të dërguara nga zgjedhësit jashtë territorit të Republikës së Shqipërisë në momentin e mbërritjes në KQZ regjistrohen në një regjistër të posaçëm dhe ndahen sipas zonës zgjedhore të vendbanimit më të fundit të zgjedhësit para largimit nga Shqipëria.
Procesi i numërimit të tyre fillon në të njëjtin moment që fillon numërimi i kutisë së parë me fletë votimi të zonës zgjedhore përkatëse, si dhe vlerësimi i tyre kryhet nga administrata e KQZ-së dhe tabelohen në tabelën e rezultateve të zonës zgjedhore përkatëse”.
Kush do ta paguaj faturën e postës?
Ligji aktual në fuqi parashikon që janë votuesit ata që do të paguajnë këtë kosto. Kështu tha në një intervistë për FactCheck disa javë më parë Kreu i Komisionit Shtetëror të Zgjedhjeve Ilirjan Celibashi.
Është Mazhoranca e cila ka propozuar ndryshimin ligjorë që faturën ta paguaj shteti duke saktësuar se
“Fletët e votimit të plotësuara nga zgjedhësit jashtë shtetit dhe të sekretuara dërgohen në adresën zyrtare te Komisionit Qendror Zgjedhor nëpërmjet shërbimit postar. Shpenzimet për dërgimin dhe kthimin e fletës së votimit dhe çdo materiali tjetër zgjedhor dhe informativ nga Komisioni Qendror i Zgjedhjeve tek votuesit nga jashtë, paguhet nga KQZ-ja.
KQZ-ja fillimisht bën përpjekje të përzgjedhë ofrues ndërkombëtarë të shërbimit postar me jashtë vendit, qe kanë eksperiencë dhe reputacion të mirë në shërbimin e postës së shpejtë, dhe zgjedhja e tij realizohet nëpërmjet procedurave me afatshkurtra që mundëson legjislacioni për prokurimin publik.".
Deri në dakordësinë e politikës për këto ndryshime të propozuara si nga opozita apo nga mazhoranca, vota e emigrantëve mbetet ende larg.
Ndryshimet e kodit zgjedhorë kërkojnë 84 vota në parlament dhe është e pamundur të bëhen pa votat e opozitës e cila sot drejtohet nga ish Kryeministri Sali Berisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
