Kryeministri britanik Boris Johnson thotë se “nuk ka asnjë mënyrë që Ukraina t’i bashkohet NATO-s në një kohë të afërt", por thekson se vendimi duhet të merret nga presidenti i vendit.
Të martën, Volodymyr Zelensky tha se ishte e rëndësishme të pranohet se Ukraina nuk do të jetë anëtare e NATO-s, duke u shprehur: "Për vite të tëra kemi dëgjuar mbi dyert e hapura, por kemi dëgjuar gjithashtu se nuk mund të hyjmë në ato dyer".
Duke folur gjatë vizitës së tij në Abu Dhabi, kryeministri britanik thotë se ka biseduar sërish me Zelensky-n dhe i kupton deklaratat e tij mbi NATO-n.
Ai shton se gjëja më e rëndësishme është se "sulmet absolutisht barbare të Presidentit rus ndaj Ukrainës duhet të ndalen".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
