U mbyll me një barazim spektakolar 3-3, sfida mes Laçit dhe Erzenit, e vlefshme për javën e parë, e cila u transmetua në MCN TV.
Kur dukej se kurbinasit e kishin të sigurt fitoren, shijakasit surprizuan, duke shënuar dy gola të shpejtë.
Laçi i mbylli në avantazh 45 minutat e para, me rezultatin 2-1. Soboëale i dha avantazhin skuadrës së Nicës në minutën e 17-të, por vetëm 4 minuta më vonë, Mihana vendosi baraspeshën me një supergol.
Në minutën e 30-të, ishte Barjamaj, i cili përfitoi nga një gabim në mbrojtjen e Erzenit, për të shënuar golin e avantazhit.
Emocionet nuk munguan as në pjesën e dytë, kur Ujka shënoi të tretin për Laçin, duke bërë që të gjithë të mendonin se kjo ndeshje u fitua. Megjithatë Erzeni ende nuk e kishte thënë fjalën e fundit.
Mihana ngushtoi shifrat në minutën e 82-të, duke shënuar për 3-2, ndërsa 6 minuta më vonë, Kahrimanovic barazoi shifrat me penallti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
