Të lahemi apo mos të lahemi (shpesh)? Kjo është çështja

Kujtimet e mia të para të larjes ishin kur nëna ime më tërhoqi zvarrë në vaskë duke shkelmuar dhe duke bërtitur. Ato ditë kanë ikur prej kohësh, dhe unë jam një tip që bëj dush një herë në ditë.

Ndoshta kjo është arsyeja pse, disa muaj më parë, pata këtë pamje të “neveritur” në fytyrën time kur dëgjova për njerëz që nuk bëjnë dush ose lahen çdo ditë. Por, ç’ka nëse unë dhe afërsisht dy të tretat e amerikanëve që bëjnë dush çdo ditë e kemi gabim? Po sikur të lahesh çdo ditë nuk është mënyra më e mirë për të qenë higjienikë?

Kjo është tema e episodit të fundit të podkastit "Margins of Error", ku diskutohet përtej ciklit të lajmeve.

Le ta pranojmë: ne jetojmë në një shoqëri ku gjykimi i të tjerëve është një kalim kohe e preferuar. Kjo është veçanërisht e vërtetë kur bëhet fjalë për mënyrën se si njerëzit duken dhe prezantohen.

Thjesht pyesni doktorin James Hamblin, i cili bëri bujë disa vite më parë kur vendosi të ndalonte dushin me ujë të ftohtë. Pas eksperimentit të tij, ai shkroi një libër të quajtur "Clean: The Neë Science of Skin and Beauty of Doing Less".

"Praktikat e higjienës janë një nga fushat e fundit ku njerëzit do ta quajnë hapur njëri-tjetrin të shëmtuar ose të neveritshëm," më tha Hamblin. "Ne kemi bërë shumë përparim në shumë fusha të tjera, por kjo është ende vetëm një fushë e gjykimit individual dhe ne duhet ta shqyrtojmë atë."

Askush nuk është imun ndaj këtij gjykimi. Mila Kunis dhe Ashton Kutcher pushtuan titujt e mediave kur folën mbi zakonet e larjes së fëmijëve të tyre.

Sondazhet na tregojnë se sa modern është fenomeni i dushit apo larjes së rregullt. Sipas Gallup, në vitin 1950, më pak se 30% e amerikanëve bënin dush ose banjë të paktën një herë në ditë në dimër.

Pse po lahemi kaq shumë tani dhe a duhet? Ku e vendosim kufirin midis asaj që është e nevojshme për higjienën tonë ... dhe asaj që është thjesht marketing?

Sipas Katherine Ashenburg, autore e "Dirt on Clean: An Unsanitized History", njerëzit kanë një histori të ndërlikuar me larjen që daton që nga Roma e lashtë. Ndërsa romakët i donin banjat e tyre, larja u bë një fjalë e “ndyrë” për vitet e ardhshme.

Kur erdhi vdekja e zezë në shekullin e 14-të, Katherine tha se mjekët besonin "se do të kishte më shumë gjasa të infektoheshe me murtajë nëse bëni banjë të ngrohta, sepse ata thanë: "Banja e ngrohtë do të hapë poret tuaja dhe sëmundja do të hyjë përmes poreve. "

Pra, çfarë ka ndryshuar? Nga njëra anë, ne kemi mësuar shumë më tepër rreth teorisë së mikrobeve. Ne kemi shumë më tepër akses ndaj burimeve të ujit të pastër, sapunit dhe banjove.

Nga ana tjetër, marketingu ka kaluar në tepricë. Disa profesionistë mjekësorë besojnë se pastrimi i tepërt na bën më pak të shëndetshëm . Po, rezulton se ne mund të marrim nga disa mikrobe të tjera ndërsa lahemi.