Ambasadori i Shteteve të Bashkuara në Kosovë, Greg Delawie, deklaroi se zvarritja e miratimit të demarkacionit të kufirit me Malin e Zi, e ka komplikuar marrëdhëniet ndërmjet Shteteve të Bashkuara dhe Kosovës.
Por shefi i diplomacisë amerikane në Prishtinë ka pohuar se Kosova është një histori suksesi.
Në intervistën dhënë RTV21, Delawie ka pohuar se në prag të dhjetëvjetorit të Pavarësisë mund të thuhet se Kosova ka pasur sukses në shtetndërtim.
Delawie, po ashtu pohoi se sfidat për Kosovën janë të shumta, ndër të cilat kryesorja mbetet sundimi i rendit e ligjit dhe luftimi i korrupsionit e krimit të organizuar.
Delawie po ashtu konfirmoi se angazhimi amerikan në Kosovë do të vazhdojë të jetë i fuqishëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
