28 Nëntori, festë në Shtëpinë e Bardhë, Nika: Kemi marrë dritën jeshile, 99% e sigurt

<p>Njëzet e tre shoqata shqiptare i kanë dërguar një letër kërkesë presidentit të SHBA, Donald Trump, që Shtëpia e Bardhë të njohë dhe të festojë 28 Nëntorin si Ditën Shqiptare të Pavarësisë. Aktivisti Naser Nika tha në një lidhje Skype se kanë marrë garancitë që nisma e tyre do të finalizohet.</p> <blockquote> <p>Nuk kemi përkrahje as nga Shqipëria, as nga Kosova. Kohët e fundit kemi kontaktuar me ambasadoren në Nju-Jork. Por si një vendlindje ka njerëz që duan përçarje dhe mendojnë pse ta bëjë kjo shoqatë, pse mos ta bëj unë. Unë jam i kënaqur me bashkëpunimin e Suela Janinës (ambasadorja shqiptare në OKB), por nuk e di sa e ka mbështetjen e shtetit shqiptar.</p> <p>Për të festuar ditën e pavarësisë kemi marrë një dritë jeshile dhe 99% është punë e përfunduar. Nuk ka pasur kurrë kaq shumë interesim.</p> <p>Kjo do të jetë nëpër televizionet amerikane. Edhe ata njerëz që nuk janë të informuar për shtetin tonë do të dinë se Amerika do të interesohet për shtetin tonë.</p> <p>Ne vijmë nga të gjitha viset shqiptare, ata që jemi atje, jemi edhe këtu. Jam shumë i habitur që shumë shoqata janë bashkuar.</p> </blockquote>