Më në fund është aprovuar një medikament, i cili trajton shkakun themelor të sëmundjes, që prek nervat. Agjencia Amerikane e Barnave (FDA) i dha dritën jeshile medikamentit Aducanumab të kompanisë bio-teknolgjike amerikane Biogen.
Medikamenti kishte treguar disa rezultate pozitive në një studim, të cilat nuk kishin mundur të provoheshin gjatë disa studime të tjera. Një bord këshillimi i agjensisë së barnave kishte vendosur në nëntor, që medikamenti mos të aprovohej. Megjithatë agjensia nuk është e detyruar të ndjekë sugjerimet e bordit të ekspertëve.
Analisti i Gugenheim-it Yatin Suneja kishte shpjeguar më parë, se aprovimi varej nga gatishmëria e FDA-së për të miratuar një medikament duke u bazuar tek të dhënat e dobëta për efikasitetin e tij kundër sëmundjes, që prek miliona njerëz dhe që ka shumë pak metoda aktuale trajtimi.
Pavarësisht, se është lajm i mirë për pacientët që vuajnë nga Alzheimer-i, medikamenti nuk premton shërim të sëmundjes. Ekziston thjesht shpresa për ngadalësimin e saj.
Agjencia Amerikane e Barnave pret nga Biogen, që pas aprovimit të ndërmarrë prova të reja klinike për të kontrolluar efikasitetin e medikamentit. Nëse medikamenti nuk do të funksionojë siç pritet, atëherë do të tërhiqet nga tregu, ka theksuar FDA./ Frankfurter Allgemeine/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
