Presidenti Meta: Qytetarët e Kosovës dhanë shembullin më të mirë të demokracisë

“Një shembull i shkëlqyer i funksionimit të demokracisë”. Kështu i cilëson Presidenti Ilir Meta zgjedhjet e djeshme që u mbajtën në Kosovë.

Kreu i shtetit përmes një mesazhi në faqen e tij zyrtare uron qytetarët dhe klasën politike, që sipas tij i treguan botës se Kosova është shtet funksional, por edhe një shembull i demokracisë në rritj.

Mesazhi i plotë i Presidentit:

Zgjedhjet e djeshme në Kosovë, një shembull i shkëlqyer i funksionimit të demokracisë dhe i besimit te demokracia dhe vota e lirë.

Urime qytetarëve të Kosovës dhe klasës politike, që i treguan mbare botës se shteti i Kosovës është jo vetëm tërësisht funksional, por edhe një shembull i demokracisë në rritje, në një rajon që ende vuan nga autoritarizmi dhe pamundësimi i zgjedhjeve tërësisht të lira, si ato që e gjithë bota ndoqi dje në Kosovë!