“Turqia do të vazhdojë t’i mërzisë ata në anën tjetër të detit”, tha të hënën presidenti i vendit, Rexhep Tajip Erdogan, në atë që shihet si një goditje e re kundër Greqisë pas një shkrirjeje të marrëdhënieve midis dy vendeve.
“Do të keni vënë re se çdo sukses i industrisë sonë të mbrojtjes mërzit opozitën dhe ata në anën tjetër të detit. Por, mos më keqkuptoni, ne do të vazhdojmë t'i mërzitim ata… Ne jemi Turqia”, raportohet të ketë thënë Erdogan në prezantimin e avionit të ri luftarak të prodhuar nga Turqia, në një event në selinë e Industrisë Ajrore Turke (TAI) në Ankara.
I quajtur Kaan, avioni 21-metërsh i gjeneratës së pestë është në gjendje të arrijë një shpejtësi maksimale prej 1.8 Mach falë motorëve të tij të dyfishtë, sipas Daily Sabah. Ai është krijuar për të zëvendësuar gradualisht flotën turke të F-16, të cilat do të hiqen gradualisht duke filluar nga dekada e ardhshme.
Avioni i ri, tha Erdogan, do të jetë në gjendje të hedhë bomba dhe raketa mbi armikun dhe të kthehet në bazë pa u zbuluar. “Ai do të jetë në gjendje të futet fshehurazi në folenë e armikut, pa u zbuluar nga radarët", shtoi ai.
Komentet e Erdogan vijnë ndërsa Turqia po shkon drejt zgjedhjeve të përgjithshme më 14 maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
