Fermerët e Lushnjes kanë dalë ditën e sotme në protestë kundër projektbuxhetit të qeverisë, i cili nuk favorizon veprimtarinë e tyre bujqësore.
Në vendin e ngjarjes kanë shkuar edhe forca të shumta të policisë për të shmangur përshkallëzimin e situatës, ndërsa prezentë duket edhe policia rrugore që po ndihmon në qarkullimin e mjeteve, në mënyrë që të mos paralizohet trafiku.
Protestuesit kundërshtojnë vendosjen e TVSH 10% për inputet bujqësore dhe për heqjen e kompensimit 6% për ta. Ky projektbuxhet nuk ka parashikuar asnjë lloj ndihme dhe subvencioni për ta.
Fermerët janë ta pajisur me pankarta ku tregojnë qartë kërkesat e tyre dhe arsyet e kësaj proteste.
“Subvencionim direkt i fermerit për njësi të prodhimit dhe 10 lekë për kg.
-Instrument për formalizim.
-Instrument zhvillimi jo përkrahje sociale.
-Lufton korrupsionin dhe burokracinë
-Stimulon suksesin, lufton parazitizmin
-Garanton efektshmëri të shpenzimit
-Zero kosto implemtimi.
Ndërkohë që protesta është shoqëruar edhe me tension e përplasje në mes të fermerëve të shumtë, por edhe të policisë së madhe në numër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
