Drejtonte mjetin pa leje drejtimi, procedohet penalisht 15-vjeçari në Korçë

Një 15-vjeçar është proceduar penalisht në Korçë pasi drejtonte mjetin pa leje drejtimi.

Adoleshenti ka humbur kontrollin e automjetit në rrugën “Korçë Mboje” dhe për pasojë është lënduar një 13-vjeçar, i cili ishte pasagjer.

“Prokuroria ka filluar procedimi penal në gjendje të lirë për një 15-vjeçar, banues në Korçë, pasi në rrugën "Korçë-Mborje", pranë degëzimit për në Malin e Moravës, ky shtetas duke drejtuar automjetin pa leje drejtimi, dyshohet se ka humbur kontrollin e drejtimit të tij dhe automjeti ka dalë nga rruga. Për pasojë është dëmtuar një 13-vjeçar, pasagjer në mjet, i cili ndodhet për mjekim në spital.”