Gazetarja Entela Duka në një raportim për edicionin e lajmeve në MCN TV dha detaje mbi 28-vjeçaren që u hodh nga kati i pestë i një pallati në Elbasan, duke humbur për pasojë jetën.
E reja dyshohet se vuante nga depresioni, çka mund të jetë bërë shkak për aktin e rëndë të vetflijimit.
Po ashtu mësohet se ajo punonte si infermiere në Spitalin e Elbasanit dhe ishte nënë e një fëmije 2 vjeç.
“Është hedhur nga kati i 5-të duke humbur jetën në vendngjarje. Një lajm i trishtë edhe për faktin që kishte një fëmijë 2 vjeç, ndërkohë që punonte edhe si infermiere. Sipas informacioneve paraprake bëhet me dije se 28-vjeçarja prej kohësh vuante nga depresioni dhe ky mendohet të jetë shkaku kryesor përse 28-vjeçarja e ka ndërmarrë aktin e rëndë të vetfilijimit. Çifti bashkë me fëmijën jetonin në një banesë me qira. Fqinjët dhe të afërmit shprehen të tronditur në lidhje me rastin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
