Temperaturat e larta gjatë shkurtit dhe reshjet e pakta në shtete të ndryshme të Mesdheut kanë ngritur alarmin për thatësirën që pritet të kaplojë këtë rajon. Katalonia dhe Maroku ka shpallur emergjencën. Siçilia dhe Sardenja në Itali janë në vijën e kuqe.
Sipas ekspertëve, rreth 17 për qind e territorit të Bashkimit Evropian tani po përballet me kushte të rënda thatësire.
Nëse shikojmë kushtet aktuale, bazuar në të dhënat më të fundit që kemi në dispozicion deri në fund të janarit, shohim se shumë zona në rajonin e Mesdheut janë në kushte paralajmëruese ose alarmuese thatësire.
Edhe fermerët në Evropë kanë ngritur shqetësimin për mungesën e reshjeve. Sipas ekspertëve, parashikimet për këtë vit janë më të këqija se sepse ndryshimi i regjimit të reshjeve sa vjen e përkeqësohet. Gjithçka lidhet me ndryshimet klimatike, për të cilat ka apel mbarëbotëror për të marrë masa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
