Autoritetet shëndetësore kineze kanë konstatuar një rast të murtajës bubonike, pa lidhje me dy rastet e fundit të diagnostikuara në Pekin të murtajës pulmonare.
Sipas “Daily China”, pacienti është një punëtor 55-vjeçar i një guroreje. Simptomat janë ethe të forta dhe infeksion të nyjeve limfatike, sipas një njoftimi të lëshuar sot nga Komisioni i Shëndetit në Mongolinë Qendrore.
Burri është në karantinë dhe nën trajtim spitalor, ndërsa 28 persona që kanë pasur kontakt të afërt me të janë nën mbikëqyrjen e mjekëve, edhe pse nuk kanë shfaqur simptoma. Sipas komisionit, pacienti tha që ai kishte vrarë, gatuar dhe ngënë një lepur të egër më 5 nëntor. Fan Mengguang, zv / drejtori i Qendrës për Parandalimin dhe Kontrollin e Sëmundjeve, shpjegoi se rasti i ri është "i izoluar dhe i palidhur me të dy rastet" e diagnostikuara të martën në Pekin.
Murtaja bubonike, e njohur ndryshe si Vdekja e Zezë, ka qenë një nga pandemitë më shkatërruese në historinë e njerëzimit. Për shkak të saj kanë humbur jetën 75 - 200 milionë njerëzve në Euroazi dhe në Evropë nga viti 1347 deri në 1351.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
