Baz Luhrmann, regjisori i filmit biografik të ardhshëm për Elvis Presley është duke testuar disa aktorë të mëdhenj për të luajtur këngëtarin në film.
Anel Elgort, "Aaron Taylor-Johnson", i cili u shfaq në "Avengers: Age of Ultron" dhe "Whiplash", Miles Teller, janë ata që po testohen, sipas një raporti të Hollywood Reporter.
Regjisorët e Ëarner Bros po shohin gjithashtu edhe Harry Styles dhe Austin Butler, i cili ka një rol në filmin e ri të Quentin Tarantino, "Once upon a Time in Hollywood".
Thuhet se, për të luajtur Col. Tom Parker, menaxherin legjendar, i cili kontrolloi jetën dhe karrierën e Elvis, është caktuar Tom Hanks.
Roli i Elvis pritet të plotësohet në javët e ardhshme.
Projekti u njoftua vitin e kaluar dhe është në vijimësi të një morie filmash biografikë rok, përfshirë hitin "Bohemian Rapsody", për Freddie Mercury dhe filmin për Elton John "Rocketman".
Luhrmann po shkruan edhe filmin, i cili do të ndahet në dy pjesë: suksesi i hershëm i Elvis, pastaj jeta e tij pas moshës 35-vjeçare.
Presley vdiq në vitin 1977 në moshën 42-vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
