Kishat spanjolle kanë një trashëgimi shekullore në art dhe histori. Por kur restaurimi i kësaj trashëgimie bëhet i domosdoshëm, problemet fillojnë të shfaqen.
Restaurimi që i është bërë një statuje të shekullit XVI në kishën e Shën Mishelit, në qytetin Estella, e ka kthyer atë në një objekt qesharak, duke provokuar zemërim te ekspertët.
Me kalimin e kohës, statuja e Shën Xhorxhit ishte kthyer në ngjyrë kafe. Pas restaurimit, fotot e veprës bënë në pak orë xhiron e rrjetit.
Edhe kryebashkiaku i Estellas, Koldo Leoz, reagoi në lidhje me veprën. “Sot Estella nuk bën lajm për historinë, artin, arkitekturën dhe trashëgiminë kulturore, por bën për restaurimin e mjerë të një vepre të shekullit XVI”, shkroi ai në “Tuiter”.
Sipas Leoz, prifti i kishës nuk ka kërkuar ndihmën e këshillit bashkiak, por e ka marrë vetë vendimin për restaurimin.
Rasti në fjalë u kujtoi të gjithëve restaurimin e afreskut të Krishtit, Ecce Homo, në Borja, Saragozë.
Restaurimi i shëmtuar që iu bë këtij afresku në vitin 2012 bëri që njerëzit ta thërrasin me emrin “Jezusi majmun”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
