Vizat i detyrojnë kosovarët të marrin nënshtetësinë serbe

Pamundësia e lëvizjes së lirë në vendet e Europës i ka detyruar shtetasit e Kosovës të gjejnë rrugë të tjera për t’u pajisur me vizë.

Ka të rinj që kohët e fundit po aplikojnë për të marrë nënshtetësinë e Serbisë.

Sipas RTV Dukagjinit, kjo po u mundësohet qyetarëve kosovarë në komunën e Graçanicës dhe të Novobërdës ku ende punohet sipas ligjeve të Serbisë.

Ndërkaq, Haradinaj sot, në Samitin e Sofjes ka biseduar për liberalizimin e vizave për kosovarët.

Liberalizimi i vizave është një prej kërkesave të menjëhershme të Kosovës drejtuar BE-së.  “Secili vend e ka një kërkesë të menjëhershme – Kosova e ka liberalizimin e vizave. Ka ardhë koha që Kosovës t’i jepet lëvizja e lirë”, tha Haradinaj.