Kreu i PD-së, Lulzim Basha, ka thirrur në selinë blu krerët dhe sekretarët e degëve të PD-së, për përgatitjen e protestës së 7 majit në Kavajë. Basha ka kërkuar impenjimin maksimal të strukturave të partisë për të organizuar një protestë të përmasave të mëdha në të njëjtën ditë që Kavaja voton për kreun e ri të bashkisë së saj.
"Impenjim i gjithë degëve, mobilizim i demokratëve dhe i qytetarëve", ka qenë porosia e Bashës për drejtuesit e degëve të PD-së.
Partia Demokratike ka deklaruar se nuk do të marrë pjesë në zgjedhjet e pjesshme lokale që mbahen në Kavajë më 7 maj. Paralelisht me procesin e votimit, PD-ja ka paralajmëruar mbajtjen e një proteste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
