Një reklamë e Gillette, e nxitur nga lëvizja #MeToo, po kritikohet gjerësisht pikërisht nga meshkujt.
Reklama e makinës së rrojës, që ka për qëllim ndërgjegjësimin e meshkujve lidhur me bullizmin apo ngacmimin seksual, ngre pyetjen: A është kjo më e mira që mund të bëjë një burrë?
Reklama synon të nxisë meshkujt të mbajnë përgjegjësi për sjelljen e njëri-tjetrit.
Por jo të paktë kanë qenë ata që e kanë parë te kjo reklamë ngjyresa politike. Ata thonë se ajo i paraqet meshkujt si bullizues dhe ngacmues seksualë. Në Youtube, videoja ka marrë 250 mijë kundërshtime.
“Si një kompani që inkurajon meshkujt të jenë versioni më i mirë i vetes, ne kemi përgjegjësinë të promovojmë atë që është pozitive, e përmbajtur dhe e shëndetshme”, thuhet në një deklaratë të kompanisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
