Deputeti socialist, Namik Kopliku, ka folur në lidhje me grabitjen e banesës së tij në Tiranë. Kopliku ka thënë se kur ka ndodhur grabitja, ai ka qenë në Shkodër për aktivitetet e organizuara me rastin e festave të 28-29 Nëntorit dhe është njoftuar nga fqinjët.
“Gjatë momentit të grabitjes, banesa ka qenë e mbyllur sepse unë me gjithë bashkëshorten time ishim në Shkodër për aktivitetet e organizuara me rastin e 28-29 Nëntorit. U shqetësuam normalisht unë dhe gruaja. Kur shkuam në banesë, gjetëm fishekun e bravës së derës të prishur dhe derën e hapur. Kishin marrë sende me vlerë, bizhuteri. Në ambient kishin bërë pak rrëmujë, e kishin kthyer përmbys në kërkim të gjërave me vlerë dhe parave ndoshta”, ka thënë ai për News 24.
Kopliku ka shtuar se përveç bizhuterive i janë vjedhur edhe një sasi parash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
