Irani i frikësohet përjashtimit nga Kupa e Botës. Sigurisht një lajm i tillë do të irritonte tifozët e Kombëtares, ende të tronditur dhe të zhgënjyer nga një mospjesëmarrje në kampionatin botëror për të dytën herë radhazi. Megjithatë kjo mundësi është e largët.
Por pse po diskutohet një hipotezë e tillë? Të martën, më 29 mars, autoritetet iraniane nuk i lejuan vajzat dhe gratë të ndiqnin ndeshjen e kombëtares së Teheranit kundër Libanit, një ndeshje e cila nuk ishte vendimtare pasi kualifikimi kishte ndodhur prej disa kohësh.
Ministria e Sportit kishte vënë në dispozicion të femrave dy mijë bileta për ndeshjen, të cilat ishin blerë rregullisht, por që nuk u lejuan të hyjnë në stadium.
“Ne po dëgjojmë lajme shqetësuese nga FIFA dhe Konfederata e Futbollit Aziatik”, shkroi në Twitter anëtari i bordit të Federatës Iraniane të Futbollit, Mehrdad Seradschi.
Kujtojmë se janarin e kaluar, pas tre vitesh, femrat u lejuan të kthehen në stadium për të parë ndeshjen kundër Irakut. Aktualisht FIFA po monitoron situatën.
Në shtator të vitit 2019, organi kryesor i futbollit botëror i kishte dhënë një ultimatum Iranit në lidhje me praninë e femrave në stadiume, duke kërcënuar se do të përjashtonte kombëtaren iraniane nga garat ndërkombëtare nëse nuk do të ktheheshin sa më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
