Gjashtëdhjetë e një urdhër-arreste janë lëshuar në kuadër të një operacioni antidrogë të policisë italiane të rajoneve të Katanias, Raguzës dhe Komos. Operacioni i koduar “Balkan” është finalizimi i një hetimit të nisur që në vitin 2012 në fushën e trafikut të lëndëve narkotike.
Hetuesit kanë arritur të zbulojnë kanalet e trafikut të marijuanës nga territori shqiptar drejt vendit fqinj. Disa operacione blic të kryera në zona të Italisë kanë bërë të mundur sekuestrimin e një sasie të madhe marijuane.
Kështu, vetëm në provincën e Katanias janë sekuestruar mëse 1000 kg marijuanë dhe armë zjarri të llojeve të ndryshme.
Videoja e publikuar nga policia italiane zbulon përgjimet mes pjesëtarëve të bandës, të cilët komunikojnë në shqip lidhur me transportin e marijuanës.
Disa prej personave të përfshirë në trafik rezultojnë të arrestuar për trafik të lëndëve narkotike, ndërsa 6 shqiptarë janë në kërkim. /nuovosud.it / Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
