Gjykata e Posaçme kundër Korrupsionit dhe Krimit të Organizuar ka përfunduar gjykimin për ish Prokurorin e Përgjithshëm, Adriatik Llalla.
Mësohet se pas vendimit për rihapjen nga e para të gjykimit, gjithçka u mbyll në 5 seanca. Gjykata ka caktuar datën 20 maj kur prokuroria do lexojë pretencën nga e para.
Gjyqi ndaj Adriatik Llallës u kthye në pikën zero në seancën e 16 prillit. U revokua gjykimi i shkurtuar me kërkesë të Llallës dhe do fillojë gjykim i zakonshëm nga e para.
Me këtë vendim ra edhe pretenca e dhënë nga SPAK, që kërkoi 2 vite burg për ish-Prokurorin e Përgjithshëm, Adriatik Llalla, si dhe përjashtimin me 5 vite nga funksionet publike.
Ai akuzohet për disa veprat penale që përfshijnë "Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim" në tre raste.
Adriatik Llalla u hetua edhe pastrimin për pastrimin e parave, por në finale ai u dërgua për gjykim vetëm për fshehje të pasurisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
