Biznesmeni Pëllumb Gjoka ka kërkuar në Apelin e GJKKO heqjen e sekuestros ndaj pasurive të tij.
Në një raportim për MCN Live gazetari Arsen Rusta bën me dije se:
Aktualisht në Apelin e Gjykatës Kundër Krimit dhe Korrupsionit po shqyrtohet një kërkesë e planifikuar më herët, është kërkesa e Pëllumb Gjokës për lirimin e pronave që ai dhe familja e tij disponojnë. Mes tyre edhe statutsin e investitorit strategjik për një resort turistik në Velipojë. Ai kërkon heqjen e sekuestros pasi argumenton se i ka puna me punë të ligjshme nga biznesi. Nga ana tjetër Prokuroria e Posaçme kërkon të mbetet në fuqi masa e sekuestros, pasi këto janë pasuri që janë në proces hetimi e verifikimi, dhe ka dyshime të arsyeshme se e kanë prejardhjen nga aktiviteti kriminal. Gjithçka u zbulua nga operacioni ‘Metamorfoza’, ku rezulton se biznesmeni Pëllumb Gjoka është i përfshirë në narkotrafik, armëmbajtje pa leje, por edhe në porositjen e krimeve të rënda, deri në vrasje. Mes provave të shumta, siç janë komunimimet në SKY enkro, nga ana tjetër janë edhe deklarimet e dëshmitarit të drejtësisë Nuredin Dumani, për zbulimin e pjesshëm të disa episodeve dhe zbulimin e plotë të grupit, pjesë e së cilit ishte Pëllumb Gjoka”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
