Suen Çika, 7-vjeçari që realizoi ëndrrën, takon yjet e kombëtares Broja dhe Asani, babai rrëfen detajet

Të vegjlit zakonisht kanë ëndërr të takojnë futbollistët e kombëtares dhe të bëhen si ata.
Një nga këta fëmijë është edhe 7-vjeçari Suen Çika, tifoz i madh i Armando Brojës dhe Jasir Asanit.

Për shikuesit e programit të mëngjesit “Zgjohu me MCN”, i ati, Marigleni, tregoi se si arriti t’i realizonte të birit takimin me idhujt e tij, pak para ndeshjes Shqipëri-Angli.

Marigleni:

U gëzua shumë që Broja është mirë. 

Ka qenë gjithmonë dëshira e tij, por nuk e kishim realizuar më herët takimin sepse Broja ishte i dëmtuar, nuk grumbullohej, dhe Sueni më pyeste çdo ditë: ‘A ka ardhur Broja?’

Broja ka qenë idhulli i tij përgjatë gjithë kohës. M’u desh pak kohë për ta realizuar këtë takim, sepse duhej respektuar çdo rregull.
Falë miqve dhe rregullave të federatës, takimi u mundësua dhe Suelit iu plotësua një dëshirë e madhe.

I nxis përfaqësuesit e Federatës që t’u plotësojnë dëshirat fëmijëve për të takuar lojtarët e ëndrrave të tyre.

Suen:

Nuk u qetësova derisa pashë që Broja ishte mirë. Nuk e prisja këtë surprizë nga babi.
Kur Asani bëri atë pasimin, unë i thashë: ‘Ta hëngsha këmbën!’, e gjithë lagjja më dëgjoi duke bërtitur.

Mua më pëlqen të luaj futboll, jo vetëm ta shoh atë.