Shqipëria u mposht minimalisht në miqësore nga Suedia. Pavarësisht rasteve të krijuara dhe lojës së mirë, në fund kuqezinjtë dolën të mposhtur.
Pjesa e parë e ndeshjes, u mbyll me rrjeta të paprekura. Ndeshja nisi me Suedinë më kërkuese, por rastin më të mirë e kishte Shqipëria në minutën e 12-të, me Brojën që shpërtheu nga e djathta dhe pas një kontakti bie në zonë. Protesta nga kuqezinjtë për penallti, por arbitri vazhdoi lojën.
Në minutën e 19-të, suedezët iu afruan golit, por gjuajtja u ndal nga shtylla. Pak minuta më vonë, ishte Broja që shënoi për Shqipërinë, por u anulua për pozicion jashtë loje.
Në minutën e 24-t, ishte Laçi që pas futjes në zonë, provon me një gjuajtje, por topi shkoi jashtë.
Në fundin e pjesës së parë, Suedia rrezikoi dy herë, por Strakosha, me dy pritje vendimtare e mbajti portën të paprekur.
Edhe pjesa e dytë, nisi me Suedinë në sulm, me Shqipërinë që provoi me kundërsulme.
Goli i vetëm i takimit, u shënua në minutën e 62-të, me Nilson, që përfiton në zonë dhe shënon me kokë.
Shqipëria tenton të reagojë dhe krijon disa raste, me Laccin dhe Gjimshitin, por pa sukses për të shënuar. Paraqitje pozitive e kuqezinjve, pas humbjes 3-0 ndaj Kilit pak ditë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
