BE frenon gjigandët online/ Legjislacioni i ri parashikon heqje të përmbajtjes, gjoba deri në pezullim

Bashkimi Europian ka arritur një marrëveshje për miratimin e legjislacionit të ri të quajtur Ligj për Shërbimet Dixhitale për të frenuar faqet dhe platformat gjigandë në internet të cilat kanë në përmbajtje  gjuhën e urrejtjes, dezinformimi apo deri te imazhet e abuzimit seksual të fëmijëve.

Punimet për draftin kanë filluar që në 2020, por vetëm të shtunën e 23 prillit zyrtarët e BE në parlament miratuan mes debateve të shumta mbi lirinë e fjalës si dhe lobimeve të gjigandëve të teknologjisë të cilat kundërshtuan vazhdimisht rregullat e reja.

Por detyrimesh çfarë parashikon legjislacioni i ri europian?

1. Rregullorja do të kërkojë që platformat të heqin me shpejtësi përmbajtjen e paligjshme sapo të jenë vendosen dijeni për ekzistencën e saj. Rrjetet sociale do të duhet të pezullojnë përdoruesit që shpesh shkelin ligjin.

2. Ligji i Shërbimeve Dixhitale do të detyrojë faqet e tregtisë elektronike të verifikojnë identitetin e furnitorëve përpara se të propozojnë produktet e tyre.

3. Komisioni Evropian do të mbikëqyrë auditimet vjetore dhe do të jetë në gjendje të vendosë gjoba deri në gjashtë përqind të shitjeve vjetore për shkelje të përsëritura.

4. Për platformat me më shumë se 45 milionë përdorues aktivë në BE do të ketë detyrime të veçanta. Ato duhet të jenë transparente për të dhënat dhe algoritmet e tyre.

5.  Nuk do të lejohet përdorimi i të dhënave mbi fenë ose pikëpamjet politike për reklama

Edhe pse lista e kompanive gjigande që preken nga ky legjislacion i ri nuk është publikuar ende, mes tyre pritet të jenë Google, Apple, Facebook, Amazon, Microsoft, Tëitter, Tik Tok, Zalando apo dhe Booking.com të cilat prej vitit 2019 janë akuzuar shpesh se nuk kanë arritur dot të kontrollojnë platformat e tyre në internet.

Në një postim në twitter, Presidentja e Komisionit Europian, Ursula von der Leyen e cilësoi marrëveshjen e së shtunës historike duke garantuar se me rregullat e reja të vendosura nga BE përdoruesit e internetit do të jenë më të mbrojtur dhe do u sigurohet liria e shprehjes duke goditur njëkohësisht aktivitetin e paligjshëm.

Ndërkohë në Shqipëri mungon një legjislacion i tillë. Qeveria shqiptare ndër vite ka ndërmarrë disa iniciativa në këtë drejtim, më e fundit Paketa Anti-Shpifje e cila përfshinte dhe disa ndryshime ligjore për funksionimin e mediave e online ku parashikoheshin gjoba të rënda deri në mbyllje të ëebsiteve për shkak të përmbajtjes së paligjshme.

Paketa u kundërshtua nga komuniteti i gazetarëve, AMA, Komisioni i Venecias, OSBE dhe Presidenti i Republikës.

6 muaj më parë kryeministri Rama në një tryezë të OSBE akuzoi drejtpërdrejt mediat online se kanë minurar lirinë e fjalës në Shqipëri.