Avokati Rezart Kthupi, për raportimin në Kuvend të kreut të SPAK, Altin Dumani thotë se Partia Socialiste nuk e mori në mbrojtje, por se kurthi ishte i përbashkët, nga PS e cila e ngriti kurthin procedurialisht dhe nga pala tjetër që sipas tij “e ngriti me llastiqe teli dhe guri”.
Kur kreu i SPAK raportoi në parlament, po të marrësh rezolutën që kishte përgatitur kuvendi, ishte me superlativa për punën e prokurorëve.
Të thuash që deputetët tanë nuk e dinë se nuk mund të bësh pyetje për çështje që janë nën hetim, është e rëndë. Kur çështja është nën hetim, çfarë mund të them.
Kur i thua ka patur rrjedhje informacioni, kjo është e saktë, se ka lidhje me mënyrën e funksionimit.
Kur e pyet pse ti heton vetëm opozitën dhe pyet për çështje konkrete. Hetimi është hetim, ai është drejtuesi i prokurorisë dhe nuk di çdo detaj të çdo dosje.
Duke folur nga studio e MCN Live, Kthupi deklaroi se pyetja që i duhej bërë kreut të SPAK, ishte nëse në raport me detyrat i ka çuar përpara ose jo.
Në vijim ai shtoi se drejtësia e pavarur dhe e pandikuar, është një drejtësi në epruvetë e cila nuk ndodh askund dhe se mund të ketë një qasje të tillë vetëm nëse bëhet një drejtësi robotike.
Çështja është nëse niveli i këtij ndikimi është i atillë që e pengon drejtësinë të funksionojë.
Drejtësia në të mirë a të keq, ky sistem i SPAK që kemi sot, ose jep disa indicie, dhe në një farë mënyre po e tejkalon pengesën që i ka vënë politika.
Sot i vetmi që është përtej limitit të drejtësisë është Edi Rama, gjithë të tjerët janë poshtë. Për të arritur deri te maja e piramidës, duhet të vendosësh gurët njëherë.
Jam i bindur se e njëjta strukturë do të arrijë dhe te Edi Rama por kur të vijë koha e duhur.
Kjo opozitë që duhet të kishte aleatin më të madh SPAK, sot e sulmon në mënyrën më brutale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
