Solidariteti im shkon për Ukrainën e pushtuar dhe sulmuar nga Rusia dhe unë mbështes të drejtën e tyre për vetëmbrojtje.
Kështu është shprehur Angela Merkel mbrëmë gjatë një fjalimi në Berlin.
Ish-kancelarja shtoi se mbështet të gjitha përpjekjet e qeverisë gjermane, BE-së, SHBA-së, NATO-s, G7-ës dhe Kombeve të Bashkuara për t'i dhënë fund kësaj lufte barbare të agresionit nga Rusia.
Është hera e parë që Merkel flet sërish në publik pas rreth gjashtë muaj. Ish-kancelarja tha se nuk donte të bënte vlerësime të jashtme pasi ishte jashtë detyrës, por tha se pushtimi rus ishte një shkelje e dukshme e ligjit ndërkombëtar.
Merkel foli edhe për shkeljet e të drejtave të njeriut, duke thënë se Bucha përfaqëson këtë tmerr dhe më pas theksoi rëndësinë e unitetit të BE-së, duke kujtuar se ne kurrë nuk duhet të marrim paqen dhe lirinë si të mirëqenë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
