Gjykata e Apelit ka pushuar çështjen ndaj Lulzim Bashës dhe dy zyrtarëve të tjerë të PD-së, Arben Ristanit dhe financierit Ilir Dervishi.
Apeli ka lënë në fuqi vendimin e Gjykatësë së Shkalës së Parë, që vendosi në 13 janar pushimin e çështjes së lobimit rus.
Kështu dy vite hetime nga prokuroria e Tiranës, gjyqtari Lazer Sallaku i cilësoi të pavlefshme duke rrëzuar akuzën e ngritur nga organi i akuzës për falsifikim kundër Lulzim Bashës dhe dy zyrtarëve të tjerë të PD-së, lidhur me lobimin në SHBA, pasi sipas tij nuk faktohet një gjë e tillë.
Pas apelimit të Prokurorisë, Apeli vendosi që ta mbyllë përfundimisht këtë çështje.
Prokuroria i akuzoi tre zyrtarët e opozitës për falsifikim dokumentash lidhur me kontratat e lobimit të PD-së në Shtetet e Bashkuara të Amerikës në shumën e 675 mijë dollarëve.
Këtë shumë, Kompania e Nik Muzin pohoi se i ka marrë nga tri pagesa në vitin 2017 për veprimtari lobuese në dobi të Partisë Demokratike.
Partia Demokratike, sipas prokurorëve, nuk i deklaroi këto pagesa, i falsifikoi dokumentat dhe pranon vetëm një pagesë 25 mijë dollarësh.
Por organi i akuzës fillimisht u tërhoq nga akuza e pastrimit të parave dhe i qëndroi vetëm falsifikimit të dokumentave, akuzë e cila u rrëzua nga Gjykata, shkalla e parë dhe Apeli për mungesë provash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
